بقلم : مروه وحيد
مهما تقتلوا …فى كل ساعة بيتولد الف ولد
مهما تموتوا فى الوداعة مش راح يقل العدد
حتى الطفل اللى فى الرضاعة حالف ليحمى البلد
مصر امانة . متصانة فى رقبة ولادها للأبد
صوت البارود بيشد عزم الثوار
والشهادة شئ مفضل عند الاحرار
حتى الطفل المدلل بصوته ثار
هاخد بالتار ياصلاح الدين مدد
ياكل نقطة دم نزلت من جسم الشهيد
مامتتش فى الارض دخلت جوة وريد
وريد صاحى خلت العزم فيه يزيد
يقتل الف عدو..قدام بطل اتفقد
ويروح احرار وتيجى احرار تحمى الوطن
واللى مات وراح ساب التار لابنه حسن
وحسن من كتر النار هيخلى الدمار يمحى سفن
شايلة جواها الآعادى..ويخلص بلده من المرض
ياام الشهيد .ماتبكيش ابنك فى جنته موجود
ابنك زيه مافيش جاور فى مجورته محمود
ابنك بطل بيشرب عسل ..صافى ورد ومورود
عاش بطل فوق المثل . نال الشهادة وهو اسد
مصر ولادة… بلد ام الرجالة
هتمنعوا الولادة ؟ ده رابع استحالة
مصر الريادة.. هتفضل صاحبة رسالة
وانتم ياسادة موتوا بغيظكم من الحسد
