بعد الصلاه على حبيبنا محمد خير الانام وهدى البشريه هنبدأ كلامنا عن جنه ف ارضه كدا بالبلدى وبالعاميه مهد الحضاره ومصنع الابطال
قاهرة المعز الفاطميه مصر الجميله مصر البديعه علطول الدهر دره بهيه على مر الزمان فخر يابلدى ياام العرب ياهاجر المصريه واللى مسالوش عن مصر مصر التاريخ مصر المهابه مصر الابيه مصر يعنى النيل يعنى الهرم يعنى السماحه ف وشوش اهلها والحنيه وانت ماشى
ف ساعة عصارى ولا ف مركب وعليها سارى ولا شاى ف الخمسينه مع جارتك فيولا وجارك مينا ولا حتى ف رحلة سفارى افرح انك مصري افخر انك مصرى لان مصر بيك قويه مصر قويه بشعبها وبسماحة اهلها وبعطف ناسها ع الغريب لما يدخل ارضها مصر يعنى الشموخ
يعنى النبوغ يعنى العراقه يعنى الاصاله ف العلوم ف الفنون فيها حكما وفيها علما وفيها الشيوخ فيها خورشيد وفيها خيرت فيها نجاة واحمد عدويه فيها محفوظ وطه حكيم فيها السباعى وثومه وحليم ولو فضلنا دهر نتكلم من كتر الكلام هندوخ مصر هتفضل طول العمر ولاده ف
كل مجال مصر الرياده ف التجاره ف الصناعه ف الفنون ف الزراعه حتى الدعاه ف دور العباده وف العسكريه اتخلقنا قاده وعلى الجيوش تدى التحيه نشوف شويه تاريخ بلدنا نشوف
كفاحنا نشوف نبوغنا والجبرتى ياما قال وغنى عن جدودنا عن تراثنا كله شدا بحبك يامصر وتعيشى يابلادى على مر الزمان امن وامان طهر ونقاء حره ابيه وف الختام ولا يخلص
ابدا الكلام عن مصر لسه فيه كتير واكيد للحديث بقيه صلو ع النبي الامين قائد الغر المحجلين شفيع العاصيين والمذنبين سيدى ابا القاسم اشرف الخلق اجمعين خير من وطأ البريه…..انتهى
