التخطي إلى المحتوى
كتبت الاعلامية/سماح القصاص
الشخص العصبي من الأشخاص إللي بيعانوا جدًا في حياتهم ، بيعرف يخسر الناس بسهوله وبدون ما يشعر بشيء من أفعاله غير متأخر ،
إللي هو يكون قاعد بيضحك معاك وبتهزورا مع بعض ، فجأة يتنرفز عليك ، ويقولك متهزرش معايا ، ويغضب بس من الهزار .. – في مرحله بيوصل ليها وهي إنه يفقد أعصابه من أقل صوت مثلًا
، صوت طفل بيعيط ، صوت شخص عالي ، صوت نقط مايه ، أو مزيكا ، تدريجيًا بيبدء يشعر بإنهيار داخلي وإنه عايز يكسر شئ ، يضرب شخص ، يشتم أو يخبط حاجة ، أى طريقه يعبر بيها عن إللي جواه وإللي أغلبها إنه يزعق بصوت عالي في أقرب شخص ليه ..
– الشخص العصبي تقلباته المزاجيه أسرع من أي شخص طبيعي بمراحل ، ولكده بيوصله الشعور مضاعف في التعب النفسي ،
بيكره البرود والأغبياء جدًا ، اوقات بيدخل في نوبات عصبيه بتقعد معاه أيام ، بيكون فيها كئيب منطوي علي نفسه ، مبيتكلمش مبياكلش مبيخرجش .
. -بيتطور في التدهور العصبي بسرعه بسبب التفكير المستمر في تحليل الأشياء إللي حواليه تحليل الكلام والأسأله ، ده يقصد أيه وده بصلي كده ليه ، عقله بيكون بركان بيفور من كتر التفكير ، وبيخليه شخص صعب التواصل معاه لسرعه غضبه وسوء ردود فعله ..
– أما الجانب الحلو فيه ، إنه شخص جميل فيه كل تفاصيله ، بيعرف يكون صاحب وحبيب وأخ كمان ، مميزاته أكتر من عيبه ، ولأسف عصبيته بتغطي علي الحلو إللي فيه ، ويبقي الشخص العصبي هو أطيب شخص علي الكوكب تقدر تتعامل معاه وتدمن وجوده في حياتك ..