بقلم : نادر هاني
امرك عجيب يا انسان
تدخل الدنيا بصريخ و عياط و دبدبة
و تخرج منها متشال بس ساكت فى مندبة
متعجب دايماً من امرك و مش عجبك العجب
و تسأل نفسك ميت سؤال و ايه السبب
انا رزقى ليه ضيق و ليه مش الاول فى السبق
وازاى السنين تجرى بية و عمرى يتسرق
و تسافر تدور على الوطن كأنك عابر سبيل
الاسم بتدور على رزقك فى الصبح و الليل
و انت ايه تاخده زيادة غير اللى مكتوبلك على الجبين
هتفضل يا انسان غلبان و مسكين
متذمر على حالك مع ان غيرك بيحسدك
ده ربنا ادالك 24 قيراط و ده حقك و ليه يغضبك
طول عمرك باصص علـِى فى ايد غيرك
و تقول يادى الحظ مع ان الحل فى تغيرك
اتعلم الشكر على كل نعمة ربنا ادهالك
و مش كل حاجة فى الدنيا هتمشى بمزاجك
اتعلم تبوس ايدك وش و دهر و تبقى راضى
و افهم يا ابن آدم الكلام تانى و اسمعنى المرة دى
امرك عجيب يا انسان
فاكر نفسك جدع .. مع انك تستحق الاحسان
و عجبى
