جريدة المجالس

عالمك الالكترونى لكل ما هو جديد معانا هتقدر تعرف كل الاخبار المحلية و الدولية من رياضية و سياسية و اقتصادية.

غير مصنف

خواطر حياتية كتبت/ د . حياة سيد صاحبة الهمم (الوَليَّة)

 كتبت/ د . حياة سيد

صاحبة الهمم (الوَليَّة)

هي جاية تحكى الحكاية دية بتقول انا كنت قاعدة فى حالى مدارية

وقفلة باب أى شكوه لـية من ظلم ناس عندها نرجسـية لكن..

وفجأة دقيت أنت باب الأمل عليا وقلت أنت.

. ياااه لو فيه زيك ميــة يشرفنى..

أعرفك يا أبية بكفاحك واجتهادك وصلتى من غير محسوبية فرحت أنا وقلت..

الحمد لله ربنا عوض عليا ألاقى فى الدنيا

ألى يقضى على الطبقية ويقدر تعبى

ويحررني من ظلم الناس المفترية

بنجاحك افرحى وأمسحى دموعك ياعنية

شفت خلاص الدنيا بتتلألأ حوليا .

.وأخيرا أتفتح أمامى نوافذ الحرية وبقى يقينى ان سيف العدل هيقطع دبر قاتل الانسانية .

.وفجــــــــــــــــــــــأة أظلمت الدنيا.

. وانطفى الضي فى مقلتيا واتألمت روحى ونزفت نفسى اللى كانت عافية

لاقيت الى بيقول نكسر الست دية (الوَليَّة)

يامن لا تعرف معنى ( وَليَّة )

يعنى ست ذات سيرة مستقيمة وتقية عارف يعني مين هي؟

دى جابت صلاح الدين فى حطين فى الاراضى الفلسطينية وبردوه جابت زويل فخر الرموز المصرية .

. طيب اقولك تاني مين هي؟؟!

هى الأم.. الاخت.. الابنة.. والزوجة العشرية

اللى بتربى أجيال مثالية الصبورة على الوجع.

. المريضة العفية..

واللى بتتحمل أى مسئولية الضعيفة الشجاعة فى المحن تلاقيها قوية .

. طيب اقولك تالت مين هي؟؟!

.. تفخر أنها ..

من سلالة ابراهيمية .. إسماعلية.. ومحمدية اللى قدوتها خديجة.. وعائشة.

. ورقية واللى بتدعى المولى فى صلوتها كل عشية دعوة أمها التقية المصلية النقية

أن يكفيها شر من لا تتقى شره من البشرية دى هي …

. اللى وصى عليها سيد الخلق رسول الانسانية لان الجنة تحت اقدمها لـ(الأبدية)

كل ده ولسه مش راسي على القضية افهم بقي حكاية (الوَليَّة)

اللي مش بتخاف من كلمة حق

لانها أبية لان معاها ملك الملوك ذو الابدية ?