جريدة المجالس

عالمك الالكترونى لكل ما هو جديد معانا هتقدر تعرف كل الاخبار المحلية و الدولية من رياضية و سياسية و اقتصادية.

منوعات

كلمة ” الإيد ” في اللهجة المصرية كلمة ملهاش مثيل

كتب / كريم الرفاعي

نكتب اليكم بعض الكلمات المستخدمة و المعاني اللغوي لكلمة يد أو الإيد و علي سبيل أمثلة الكلمات و معانيها كالتالي ……..

‏‎- إيدو بيضا: يعني صاحب فضل و خير ومعروف.
‏‎- إيدو ماسكة: بخيل.
‏‎- إيدو خضرا: يزرع وتُثمِر زريعته.
‏‎- إيدو طايلة: بيقدر يعمل حاجات كبيرة.
‏‎- إيدو واصلة: واسطة قوية.
‏‎- إيدو طويلة: يؤذي من حوله.
‏‎- إيدو خفيفة: حرامي أو شاطر.
‏‎- إيدو مخرومه: مبذر، مسرف.
‏‎- إيدو علي قلبه: بيخاف كتير.
‏‎- إيدو والكف: عصبي، مفيش تفاهم معاه.
‏‎‎- إيد ورا وايد قدام: مفلّس و ما ممعهوش حاجه.
‏‎- على حطة ايدك: زي ما أنا مفيش تغيير.
‏‎- ايلي ايده ف الميه مش زي ايلي ايده ف النار : مش حاسس بيه.
‏‎- ماسكه من ايده اللي بتوجعه: ماسك عليه زلّه.
– إيدي علي كتفك: انا معاك.
– إيدي متكتفه: عاجز إني اعمل حاجه.

فاللغة العربية كلماتها تحمل العديد من المعاني والدلالات للتعبير و التوضيح و الشرح.