كتبت الاعلامية /شرين حجازى

مكتب القاهرة

الحقيقة انا بقعد مع ناس كتير اوي …مصريين علي فكرة….تلاقيهم كدة مش طايقين اوضاع البلد مش طايقين تصرفات الحكومة مش طايقين استقواء الجيش و تدخله في الاشراف علي مشاريع قومية مش طايقين الداخلية و ظباط الداخلية مش عاجبهم ان البلد تتحكم بحزم مش معجبين بالسيسي مش معجبين باللي بيايدوا السيسي زيي كدة مش معجبين باحوال البلد بشكل عام مش طايقين حتي الهدوم اللي عليهم السؤال هنا بقة انتو عايزين ايه بالظبط؟

مش عاجباكو البلد ولا الكافيهات اللي الناس واقفين عليها بقاءمة انتظار؟ مش عاجباكو البلد و انتو كل يوم و التاني معزومين في فرح اقل ما يقال عليه انه متكلف مليون جنيه؟ مش عاجباكو البلد و انتو عارفين تخرجوا تسهروا و ترجعوا وش الفجر و انتو مطمنين ان في كماين في الشارع تحميكو؟ مش عاجباكو البلد و انتو عارفين تعملوا افراح و تكلفوا فلوس و انتو متاكدين ان في جيش و داخلية تحميكو؟ مش عاجباكو البلد وانتو نايمين في بيوتكو حاسين بالامان؟

عايزين ايه بقة؟

عايزين الاخوان ترجع تاني ولا عايزين داعش تدخل تعيش وسطنا؟ عايزين الاشكال الزبالة بتاعة حقوق الانسان اللي بيقبضوا بالدقيقة عشان يعملوا فتنة في البلد؟ مش عاجبكوا السيسي؟

احب الفت نظركوا ان السيسي دة ظاهرة صعب اوي انها تتكرر في مصر الا بعد سنين كتير ….ياريت نفوق و نشوف البلد فيها شغل عامل ازاي مش عاجبكو الجيش؟

احب الفت نظركو ان في جيوش كتير حصل فيها انقسام و ضيعت دول بحالها مش عاجباكو الداخلية؟ احب الفت نظركوا ان في شوية شباب و رجالة زي الورد من الداخلية لسة متوفيين عشان انتو ما يجيش عليكو ارهاب و متفجرات مش عاجباكو مصر؟

سيبوها سيبوها و سيبونا نحميها و نبنيها اللي ماعندوش انتماء لمصر يمشي يمشي و يسيبها للي عايز يحميها و يبنيها انا ما بقيتش عارفة …في ناس كتير عايزة تشرب الوطنية و الانتماء مع الشاي و المية و الشرب اللي بيشربوه عشان يحسوا ببلادهم حسبنا الله و نعم الوكيل اللي مش شايف مصر مستهدفة اد ايه و رجالتها من الجيش و الشرطة و القيادة هم اللي شايلين الليلة يبقي ما بيشوفش