جريدة المجالس

عالمك الالكترونى لكل ما هو جديد معانا هتقدر تعرف كل الاخبار المحلية و الدولية من رياضية و سياسية و اقتصادية.

غير مصنف

مش شرط تكون دكتور عشان تعرف حقايق كتير عن السكر ؟!

22236354_1512518425506750_500305351_n

كتبت الاعلامية والصحفية /نهى عبد الخالق

مدير مكتب القاهرة

دكتور عبد اللةربيع

مش شرط تكون دكتور عشان تعرف حقايق كتير عن السكر ؟!

وازاي اي مريض سكر ميكونش حافظ السبع قواعد الذهبية للسكر!! ( المقصود بالحديث هنا السكر من النوع الثاني ) نشك في وجود سكر لو حمام بول كتير بالليل/عطش شديد بالنهار/جفاف الجلد والشعر/فقدان وزن/اكل بشراهة/جروح تتأخر ف الالتئام/نزلات معوية متكررة/التهابات مسالك و نسا متكررة/

بابا وماما عندهم سكر/في ضغط او وزن زايد! ٨٠% من اللي عندهم سكر عندهم سمنة! نص ساعة مشي وتقليل الوزن يحميك بنسبة ٤٠% من السكر! مفيش حاجة اسمها اعشاب تشفي من السكر نهائيا! في حاجات زي البصل الاخضر والكوسة والبامية وورق المانجة تظبط السكر مع العلاج!

مش معني اني عشان احافظ ع السكر امنع رز وبطاطس ومكرونة! احافظ اه امنع لا!

النشويات طاقة! الخضروات بكافة أنواعها حل سحري لضبط السكر! الحامل لو عندها سكر تلتزم اوي بجرعة الانسولين عشان تشوهات الاجنة! غسيل يومي للاسنان لمريض السكر عشان منخسرهمش بدري!

لو دكتورك قالك السكر مش متظبط ع البرشام يلا ع الانسولين انبسط متتضايقش انت كدا بتشتري البنكرياس بتاعتك!

مريض تليف الكبد غير المتكافيء ملوش برشام سكر ولا اسبرين! انسولين فقط! لو بتاخد اسبرين واماريل ابعدهم عن بعض ف الوقت، عشان ميهبطوش السكر اوي! ايه هيا معدلات السكر ؟ طبيعي: صايم اقل من 108 بعد الاكل بساعتين اقل من 140 بين البينين ( عرضه للسكر): صايم من 109-126 بعد الاكل بساعتين من 141-200 مريض سكر خلاص:

صايم اعلى من 126 بعد الاكل بساعتين اعلى من 200 المفروض السكر ميزيدش عن كام مع العلاج: الصايم اقل من 140 بعد الاكل بساعتين اقل من 200 السبع قواعد الذهبية للوقاية من مضاعفات السكر على الكلى والعين والقلب والأطراف:

-قياس معدل السكر التراكمي كل ٦ شهور بحيث لا يتعدى ٧% مع مراجعة النظام الغذائي وجرعات العلاج في حالة ارتفاعه. -زيارة سنوية لأخصائي الرمد لفحص قاع العين. -قياس مستوى زلال البول سنويا لسرعة إكتشاف بدايات تعب الكلى. –

متابعة ضغط الدم بحيث لا يتعدى ١٣٠/٩٠ مع وجوب استعمال دواء خافض للضغط حتى لو تعدى الضغط القيمة دي بدرجات بسيطة.

-تحليل دهون الدم كل سنتين، بحيث تكون الدهون الثلاثية اقل من ١٥٠ والكوليسترول منخفض الكثافة LDL اقل من ١٠٠ و أن يرتفع الكوليسترول الصحي عالي الكثافة HDL عن ٥٠ واستعمال خوافض الدهون المناسبة بالمتابعة مع الطبيب.

-المواظبة على فيتامينات الأعصاب ب١٢ سواء أقراص أو حقن بإستمرار. -وأخيرا، العناية بالقدم تجنباً القدم السكري ربنا يحفظكم ويحفظنا جميعاً ويشفي مرضانا يارب!