التخطي إلى المحتوى
كتب الشاعر /سعيد الخولى
مكتب الأسكندرية
يا عم الشيخ بلاش تفتي بلاش تعمل كمان مفتي
وسيب الدين لأهل الدين وسيب الفتوي لأصحابها
طفحنا الكوت ومش ناقصين بإسم الدين
بقيت في الشرع تتكلم
وبتحرم. وبتتحلل
وبتحرض علي الفتنه
وليك اتباع من الخرفان قلوب سوده وعقول نتنه
من جيتوا بدعوتكم منين قولي علي قرآن ولا سنه
تأيدكم ما فيش ولا أيه في القرآن هتنصفكم
كلام الرب كان واضح لكل الناس
وفسرتوه على كيفكم وطريقتكم عشان تتبرر الغايه بوسيلتكم
ويكتر الخراب في الأرض على ايدكم
منين قولي يا عم الشيخ منين
جيتوا بدعوتكم ما يمكن إحنا مش فاهمين
وجايز دينا غير دينكم مفيش أيه في أي كتاب تقول الحل في الإرهاب
ولا تحلل حرام بين وديني ازاي هيأمرني بقتل آلناس
وهو أمرني أكون هين أكون طيب مع الكافرين
وأكون لين ف بالك من اللي من ديني
وانت يا عم فين عقلك بأي كلام بيتقالك
بتفرح بيه وبتصدق ويدولك حزام ناسف
وتفرح بيه و ما بتسألش نفسك ليه ما هو أولا بالجنه
بيبعتني مكانه ليه وعاوز هو يستني عشان خايف عشان إبليس
ومتنكر يوسوسلك بأي كلام يخلى العقل يستسلم
ولا يحقق ولا يفكر وتفضل تدعي طول الليل
يا رب بالميعاد عجل دانا ع الجنه متأخر
ووسط الناس بكل غباء بتتفجر وتحلم بالملايكه هنآك
تقولك من النعيم اختار تروح مخدوع يقابلوك بالحديد والنار
وتتسوي علي الجانبين شمال. ويمين
وتعرف إن ده دينك وهتوفيه هتدفع حق كل شهيد غدرتم بيه
وهتشوفه هناك واقف بيضحكلك عشان في الجنة ونعيمها
وشايفك في الجحيم وحدك مآ فيش ولا حاجه تشفعلك
ولا حتي بدعوة رحمه من امك هتوصلك
ولا حد من الخونه هيفتكرك وراح تندم.
ولكن بعد ايه هيفيد خلص وقتك.
وجه اجلك وعملك كل يوم هيذيد بدعوة
ام ليها شهيد هتدعي عليك ليوم الدين
وتترجي في رب الكون ولا يغفر.
ولا يسامحك
