تحدث مرتضى منصور رئيس نادي الزمالك عن حقيقة إصابة لاعب الفريق مصطفى فتحي التي تعرض لها في الفترة الأخيرة والتي ابعدته عن الفريق ومنتخب مصر الذي يستعد لمواجهة غانا في الجولة الثانية من تصفيات كأس العالم 2018.
وقال “منصور” في تصريحات لبرنامج “الكابتن” على شاشة “العاصمة 2” : “مصطفى فتحي طلع عنده الفنكوش ، وفوجئت انه بيكلمني وكنت فاكره رايح ألمانيا قالي لا أنا في المستشفى وبعمل عملية ، قولتله عملتها قال لا طلع معنديش حاجة”.
وواصل رئيس الزمالك تصريحاته : “الدكتور وهو بيدخله اوضة العمليات بيعمل حاجات اخيرة كده اكتشف ان مصطفى فتحي عنده كدمة ومعندهوش غضروف ، وراحوا لدكتور تاني اسمه حسام قاله مفيش عندك حاجة”.
وأكمل “منصور” تصريحاته : “لازم موضوع الطب الرياضي في مصر يتفتح ده موضوع خطير ، ونتكلم بقى على عمرو جمال وعبد الله السعيد وحسني عبد ربه لما اتصابوا ، الدكتور اللي قاله يعمل عملية لازم يتحاكم لكن المؤكد أن دكتور النادي كان معاه”.
وأنهى رئيس الزمالك تصريحاته : “دي غلطة كبيرة لا تغتفر ، لاعب في السن ده ولسه بادئ افتح ركبته ويطلع مفيش حاجة ، دي عملية مش هتتساب ودي جريمة ممكن تضيع مستقبل ولد زي ده”.
