بقلم الاعلامية:ساره عصام
أبغض حلال أهون من موتك وانكسار ك وايا خوفك ما تخفيش وماتتردديش وإياكي تخدعك ايامك حذاري تتوهي وضيعك أوهامك واجهي ومتهربيش أثبتي علي حلمك بكره مسيره جاي خليكي علي مبدأك واياكي تخسريه ولو ميلتي عن التيار اسندى نفسك مش هتلاقي اللي يساعدك تداوى جروحك حذاري تبقي عاقله مع راجل أناني متفتكريش بعد سنه أولي أنه هيتغير اللي بان اصله لا يمكن يتبدل أوعي تقولي هصون عشره وهخاف علي ولدى وعلي ضهرى ضل حيطتك أولي بيكي ماترخصيش نفسك اللي باع مره يبيع العمر كله ماتخفيش ولا تندميش انتي اقوى من الجميع طالما الحق معاكي والرب وياكي ماتصونيش بايع وغدار خان عشره ورماكي في نار كسرك موت فيكي أحلي سنينك مستنيه ايه خلاكي ارخص من العبيد خلاكي ماشيه تطبليله وتصقفيله علي كل ذنب عملوا فيكي أوعي تقولي مسيره يتغير وهيجي يركع ويتذلل ابعدى واشترى نفسك يا غاليه قبل ما العمر يعدى انجي بنفسك وحياتك ماتجيش علي نفسك عشان مخلوق اشتري حياتك واختاري طريقك عارفه أنك مش ملاك واكيد غلطتي والحلم تاه بس اختاري الحياه أبغض حلال يرجعك إنسانه يرجع قلبك اللي مات واحساسك اللي ادفن وياه
