كتب/طةزكى زكى

أرى أن الحكومة لا تنشغل بشبابنا ولاكنهم ينشغلوا بالكراسى عندى لكم أقتراح والله جميل كفانا حب الكراسى والمناصب يابشر أرجوا من مجلس النواب والحكومة أصدار قانون ينهى خدمة جميع موظفى الدولة عند بلوغهم سن ال 50 خمسون عاما ليتركوا الكراسى والمناصب للشباب الذين لا يجدون عملا واللى لديهم الخبره والحلول بعقول متفتحه وبعلم حديث أفضل منكم وما تقولوش على نفسكم يا شيوخ يلى وصلتم لسن الخمسين انكم خبره وزفت وطين هيررروحوا فين طيب الشباب هيسيبوا لكم البلد لا هما هيفضلوا كده على انفاسكم قاعدين علشان دى بلدهم زيكم ولا انتم كمان نسيين أن لهم حق فيها أكتر منكم كمان مش دول فلذات أكبادكم ولا كمان عن الكلام جاهلين هيسبوها لكم ويسافروا ويرجعلكم ميتيين ولا مخطوفين ولا كرامتهم تنداس تحت اقدام أسيادهم اللى بيحسنوا ويتكرموا عليهم بره بعمل بأجر زهيد وضنيين حرام عليكم بقى شبابنا اللى متخرجيين من الجامعات والمعاهد والمدارس فى الشوارع صايعيين وانتم السبب أغلقتم أمامهم كل شبر فى البلد ووبطلتم التعيين وجلستم شيوخ على الكراسى مبلطين اخرجوا معاش بقى على سن الخمسين واللى فيكم عنده صحه يشتفل أعمال حره هتفيدوا مصر بلدنا احسن من انكم تفضلوا كده على الكراسى مبلطين وسيبيين ولادنا الشباب متشحطتيين وجوعانيين وعذاب ومش متجوزيين حرام عليكم دا الحساب ليكم هيبقى يوم القيامه عسير هيسئلكم الرب الكريم ليه ما شوفتوش حلول لشبابكم علشان ما يعصوش رب العالمين أفيقوا بقى من غفلتكم انتم على الاخره كلكم أعماركم قربت مدراء مصالح وخبراء ومستشارين وقضاه وأعلاميين ووزراء ووكلاء وجميع من هم فى سن الخمسين عمال كانوا او موظفين او حكومه وخلافه قد أقترب أجلكم وللتراب ريحيين .