وقال سعيد على، أحد سكان المدينة: “الزبالة في كل حتة ومجلس المدينة مش بيشيل أي حاجة، ومياه المجاري دخلت على الناس في بيوتها وأصابت العديد من الأطفال بالأمراض واحنا تعبنا شكاوى بإنشاء محطة صرف بأبو حمص ولكن لا حياة لمن تنادي”.

من جانبه، قال حسن علوان: “المجاري غرقت البيوت والعيال الصغيرة كلها تعبانة، وكل يوم نبعت لمجلس المدينة ونبعت للمحافظ وللدنيا بحالها، ومحدش بيرد ولا حد بيعبرنا، ولا حتى جاتلنا عربية تشيل المجاري دي، إحنا اللى بنشيل فيها كل يوم شوية وبهدلت حياتنا خالص فين حقي كأقل مواطن إني أعيش في بيئة نظيفة وأشرب مياه نظيفة”.

وطالب الأهالي الدكتور محمد سلطان، محافظ البحيرة، ومسئولي مجلس المدينة، بالتدخل وإنشاء مشروع محطة صرف بالمدينة حفاظًا على سلامة الأطفال من تلوث مياه الشرب وانتشار الأوبئة المزمنة الناتجة عن مياه الصرف الصحي.

يذكر أن القرية تعانى من مشكلة عدم وجود خدمات الصرف الصحى ومياه الشرب منذ ما يقرب من أربع سنوات.