اعرب الفنان تامر عبد المنعم عن استيائه من الاحداث التي تجري بمصر حاليا ابان الاحتفالات بالذكري الرابعة من ثورة 25 يناير.
وكتب “عبد المنعم” عبر حسابه علي موقع “تويتر”: “ان تعبر عن رأيك لم يصبح حقك في هذ الزمن.. هم فقط يعبرون وانت توافق ماذا وإلا … اغبياء يناير المزايدون”.
واضاف “6 ابريل تعلن عن مشاركتها في احداث عنف المطرية هم وعدة فصائل ثورية تانية وبكده يبقي مش الاخوان لوحدهم اللي بتوع عنف يعني دوليا مصر أوضاعها كخ امام العالم سندس التابعة للاسلاميين اتقتلت وشيماء اليسارية اتقتلت الحقوا يا مجتمع يا دولي النظام ف مصر بيقتل الجميع”.
واختتم حديثه “اذا لم تتخذ الدولة رد فعل رادع لما يحدث من عنف ومحاولات وقيعة وتشويه اقسم بالله البلد هتروح ومش هترجع تاني.. والله تلاتة ان اللي بيقولوا عليهم ثوار دول اخطر من الاخوان علي مصر.. علي الأقل الاخوان معروفين إنما دول حسبي الله ونعم الوكيل فيهم”.
