للخيل حبٍ داخل القلب مكنون
احبها من حبها لتخآيل
رمز الشجاعه والفخر كان تدرون
اقسم بها الرحمن منشي المخايل
الخيل فيها الخير ثابت ومسنون
وصى بها محمد وديع الرسايل
ومن عرض ما جاء في المثايل يقولون
الخيل عزن للرجال و شكايل
منها كسبنا معرفة اطياب واخوان
اعيال الرجال اللي تشيل الثقايل
الطيب لهل الطيب ثابت ومصيون
وش عاد لو الوقت بالبعد حايل
تكفون يا اهل الخيل تكفون تكفون
لا تقطعون الوصل والشك زايل
عمر الفتى مابين داين ومديون
بين الرجال ولا تضيع الجمايل
من عاشر الطيب رقآ به عن الدون
سند به العليا وروس الطوايل
ومن عاشر الخيب يحده على الهو
ما يسقي الضامي سراب القوايل
ويا لايمي بالخيل بالهون بالهون
