جريدة المجالس

عالمك الالكترونى لكل ما هو جديد معانا هتقدر تعرف كل الاخبار المحلية و الدولية من رياضية و سياسية و اقتصادية.

أسرة و مجتمع

نجلاء عياد تكلق مبادره يوم المراه المعيله للسنه السادسه

كتبت/نهى عبد الخالق

القصة الخامسة عشر #بطلة_قصة_ابنائها مدام / محروسة سالم بتحكى قصتها ? معلش انا مش بعرف اتكلم عن نفسي كتير بس هحاول اجمع يعني واحكى قصتى انا ام وزوجة متجوزه بقالي 23 سنه وام بقىالي 18 سنه بديت حياتي بالشغل

من اول ما اتجوزت كنت بساعد جوزي كنت بشتغل كوافير عادي وقعدت اشتغل فتره كبيره لان كان ظروفنا الماديه فى بداية جوازنا على قدنا لحد ما خلفت نورهان بنوتي الكبيره

وبعد كده ربنا رزقني باحمد بعد ست سنين من بعد ولاده نورهان بفتره بسيطه والدهم ابتدى يتعب حساسيه الصدر بقت تتاثر عليه في حاجات تانيه زي الصرع والضغط والسكر والربو حاجات كثيره قوي وكل ده كان ربنا مقويني عليه بحمد لله.. وبعد ولادتى في احمد بحوالي شهر

ابتدى الصرع يزيد عند جوزي وبقى من الدرجه الثالثه ما كناش نعرف ان النوبات اللي بتجيله الاول دي نوبات صرعه قعدنا فتره طويله والاخر اكتشفنا ان صرع وبسرعه بعد ما جات له جلطه في رجله ومع الوقت اصبح ان هو ما يقدرش يتحرك خالص بقت حركته بسيطه جدا ومعدوده لانه عندها عدم اتزان

ومشاكل كثيره قوي رسي بينا حالا انه بقى على كرسي متحرك وبقت المشكله بتزيد يوم عن يوم لحد ما اكتشفنا ان فيه مشكله كبيره في البروستاتا وهيعيش عمره كمان كله بالقسطره يعني حاجه عبء ثاني على الاعباء هو من اول تعبه وانا ابتديت انزل الشغل اشتغلت بقى حاجات كتيره قوي يعني

بعت مناديل بقيت اشتري الناس حاجات من سوق العبور وابعتها واجيبها لهم لحد بيتهم واعمل حاجات كثيره قوي قوي قوي قوي فوق ما تتخيليها اي قرش حلال المهم انوبفضل الله قدرت ان انا اخلي اولادي متفوقين في الدراسه

واخليهم يحسوا بكرامتهم وبنفسهم ويشتغلوا على نفسهم كده معايا نورهان في ثانيه ثانوي قسم ميكانيكا سيارات هوواحمد في سته ابتدائي واخد جائزه افيست في الشهر العربي وبيحب الشعر قوي وبيلقيه بطريقه حلوه قوي .. ونورهان كمان غاويه فن تمثيل ومسرح ..

في وسط ده كله كان بيبقى في مشاكل كثيره قوي زي مثلا ايقاف الكشك بتاعى اللي كنت بصرف منه ومشاكل بتحصل في التروسيكل وانا عليه.. اكتر حاجه كانت بتتعبني لما جوزي كان بيبقى تعبان ومش عارفه اعلق له محاليل ولا حاجه وده خلاني اشوف حد يدربني ازاي اعلق المحاليل وادي الحقن واتعلمت التمريض من غير ما ادرسه.. وبفضل الله قدرت اعمل كده وبقيت ان انا عامله تقدري تقولي مستشفى مصغره في البيت..

لما حد سالني بيقول لي انت ازاي قادره توافقي ان جوزك يبقى قاعد في البيت وانت اللي تشتغلي قلتله لازم ابقى قدوه لاولادي علشان كده اشتغلت اكتر من اللازم اشتغلت عدد ساعات ما حدش يشتغلها 14 ساعه في اليوم..

اكتر موقف اثر فيا في حياتي شفت حد ابنه من ذوي هو من ذوي الاعاقه وابنه مش عايز يروح المدرسه علشان باباه بيروح للمدرسين يقول لهم انا مش قادر يصرف على ولاده ودي كانت كسره نفسه قوي للولد.

. فقررت ان انا ما اخليش عيالي قدام المدرسين ولا قدام زمايلهم انهم يبانوا اقل من اي حد وبناء على ده ابتديت اشتغل في كل حاجه واي حاجه واعلمهم ان الجنيه اللي يجيبوا بعرق جبينه ما فيهوش عيب ولا حرام..

قابلت سلبيات كثيره جدا في المجتمع منها التنمر على اعاقتي وناس اتنمرت على ركوبى للتروسيكل.. كان كل مره اقول لاولادي الضربه اللي ما تموتناش تقوينا وفعلا قدرت اعمل كده مع ولادي والنهارده قررت ان انا اشتغل شغل جديد ثاني خالص..

الجمله دي انا قلتها بعد مكالمه السيد الرئيس عبد الفتاح السيسي ليا غيري كل حياتي المكالمه دي كانت من خلال برنامج وصل صوتى وقتها قررت ان انا اشتغل على نفسي بكل المقاييس.

. كنت وانا في الازمه دى اخذت شهادتين في الشيف العالمي واحده من فرنسا والثانيه من امريكا بس قررت ان انا اشتغل بيهم دلوقتي.. وابتديت اتعمق في مجال المطبخ واشوف واقرا واسمع كثير .

. عندي حلم كبير ان انا في يوم من الايام يبقى عندي مطعم وبراند خاص بيا لوجو يبقى محطوط على شغلي.

. ومش كده وبس لا كمان ان انا اشغل اكبر عدد كبير من ذوي الهمم اللي عايزين يشتغلوا فعلا واعلم اولادى ازاي يتعاملوا مع كل الناس من ذوي الهمم سواء اي ايا كانت نوعه اعاقته.. في ناس كتير شايفه ان حلمي ده كبير ومستحيل يتحقق بس انا املي في ربنا كبير قوي انا عمري

ما تخيلت ان انا هكلم السيد رئيس الجمهوريه وفي لحظه تمنيت من ربنا وربنا استجاب ليا انا املي في ربنا وهيفضل املي فيه كبير كل ما ابقى اتقدم خطوه لقدام في شغلي بحس ان انا بوصل لحلمي. كل هدفي النهارده ان انا اقول لا ياس مع الحياه ولا حياه مع الياس بس اقولها بطريقتي انا مش بطريقه حد ثاني

.. ولو في رساله هوصلها للكون اشتغل على نفسك عمرك ما هتياس من رحمه ربنا لان ما يأس من رحمه ربنا الا الكافر وكلنا مؤمنين بالله مؤمنين ان هو شايل لنا كل حاجه حلوه نفسي بنتي تكبر وتمسك شغلها اللي هي بتحلم بيه اصل انا زرعت جواها حلم كبير قوي انها تاخد توكيل سيارات معين وانها تشتغل عليه

ونبقى عندها مصنع كبير في يوم من الايام اه هي بدات بالخطوه الاولى وانا ان شاء الله هقف جنبها لحد ما تكمل بقيت حلمها يمكن ما معيش المال اللي ساعتها في ده بس انا املي في ربنا كبير وعمري ما ربنا خذلتي في حلم حلمته.. معلش انا طولت عليكم بس صدقوني انا بكلمكم من قلبي مش بعرف اقول كل حاجه عن نفسي بس لو عشتوا تفاصيل حياتي هتلاقوها صعبه قوي.

. اصل يومي بيبتدي من الساعه 5:00 الفجر وينتهي يعني تقدري تقولي 12 بالليل واحده ممكن لحد اثنين كمان برجع من بره على الساعه 5:00 6:00 اعمل اكل للبيت واظبط الحاجات اللي لازم اظبطها واشتغل على حاجات كثيره قوي .. مش هكذب عليكم واقولكم ان انا ما بحسش بالم انا جسمي كله بيتكسر بالمعنى الحرفي في كل لحظه بس كل لما ببص لاولادي بحس ان الام الدنيا كلها راحت بصراحه هم الزرعه اللي ربنا سبحانه وتعالى جعلهالي عوض عن كل الشقه والتعب اللي انا شفته علشان كده حلمي واملي في ربنا ان انا اكمل معاهم… دعواتكم ليا..

مهما كانت المسميات اللي اطلقت عليا مثل عراب المعاقين وده اول لقب خدته في حياتي او سيده التروسيكل او ملكه التروسيكل او ايقو