رئيس مجلس ادارة جمعية ذرية المصطفى
كتب: د. عبدالله الناصر حلمى
آن الاوان نقفل البلد نوقف الاستيراد الا للضرورات اللازمة للانتاج ونعتمد على مواردنا وسواعدنا ونواجه اخطائنا ونقاط ضعفنا ونعمل بكد وجهد ونلغى التعامل مع كل من يعادينا.
يجب ان نهتم بشئوننا فقط ونعيش كما لو كنا محاصرين اقتصاديا ونقلل من الانفاق الغير مبرر ونزرع ونصنع ما ناكل ونعيد بناء بنيتنا التحتية ولا نعتمد على السياحة الخارجية فقط وننمى سياحتنا الداخلية ونصلح منظومة الاخلاق والتعليم.
مصر المؤامرة عليها شديدة… مصر مش هتضيع طول ما احنا بنحبها وطول ما احنا مخلصين ليها وصاحيين وخايفين عليها.
اظهروا جمال مصر وحضارتها وقوتها ووروهم قوة وصمود شعبها وولادها وجنودها.. وتماسكوا وايدينا خليها متشابكه ما نسبش بعض.. ما تسيبوش مصر لوحدها احموها واستروها واجعلوا من أجسادكم وقلوبهم سياج منيع لا يستطيع أن يخترقه أحد.. مصر يا مصريين.. مصر يا مصريين.. لو ضاعت هتضيعوا.. امكم محتاجاكم يا مصريين.
