التخطي إلى المحتوى
كتب الشاعر/سعيد الخولى
مدكتب الاسكندرية
رغم حبي وشوقي ليكي
فيه حاجات مش حلوه فيكي
مش في شكلك او جمالك
ولا حتي لون عنيكي
انتي عارفه عمر ده ما يكون خلاف
اللي فيكي بجد يشبه الكتاب
من غير غلاف انتي حلوه بس ناقصه حاجات
مهمه زي جمله
ناقصه كلمه ايوه عارف حبتيني
قد حبي يمكن زياده كمان شويه بس دلعك
مش طبيعي حتي غيرتك،
شك فيا والثقه في الحب لازم تبقي موجوده
وقويه حتي رأيك عايزاه يمشي كتير عليا
ولو عارضت في يوم كلامك
تبقي مكسوره وضحيه وابقي انا الوحش اللي عايش
في الجبال تخوفي بيه العيال
لما تشوفيني تجري مني وتهربي
وان قلتلك خلاص يابيبي متزعليش
تفرحي وتقربي وتكرري نفس اللي فات
وانا ارضا واقبل من سكات مين اللي قالك
ع الغرام تقل ودلع والله
ده اللي ما حب يوم راجل جدع
