جريدة المجالس

عالمك الالكترونى لكل ما هو جديد معانا هتقدر تعرف كل الاخبار المحلية و الدولية من رياضية و سياسية و اقتصادية.

آراء و تصريحات

محمد مصطفى السلاب إلى السيد رئيس الجمهورية عبد الفتاح السيسي: “أنا متطمن”

بقلم محمد السلاب

. فخور أولا بمشاركتي في احتفالية إطلاق السيد الرئيس لمبادرة حياة كريمة .. وسمعت هذا الخطاب اللي قبل كل شيء هو خطاب من القلب ..

خطاب الحقائق المجردة بلا تزييف أو مبالغة .. متطمن وأنا بفتكر الأيام الصعبة لما في لحظة غفلة من الزمن توهم البعض إنه هيجرنا للفوضى.

. بفتكرها وبشوفها ماضي وكإنه حلم مزعج .. فقنا منه وكملنا حياتنا.. وبشوفنا بنصلح كل اللي فات.. بنوعد الناس باللي كلنا دورنا عليه في البلد دي..

“حياة كريمة”. متطمن علشان بشوف بلد بتهتم بكل فرد فيها.. حتى لو ظروفه القاسية أجبرته إنه يكون على هامش الحياة.. وبشوف بلادي.. ومؤسسات بلادي.. بتمد إيديها وتقوله: إحنا آسفين إنك كنت في الهامش.. تعالى معانا نعيش “حياة كريمة”.

متطمن وانا بشوف دولة مؤسسات عارفة هي بتعمل إيه وإمتى وإزاي وكمان بتقول إيه ولمين.. دولة بتبحث عن سلام واستقرار البشرية.. لكنها أبدا مش ضعيفة.. دولة قادرة لكن حكيمة.. جيش قوي.. لكن يحمي ولا يعتدي.. وبلاد بتحب الخير للناس كلها..

يا كل مصري ومصرية.. يا كل شخص عاش على تراب البلد دي.. وشرب من نيلها.. واتربى في خيرها.. اتطمنوا.. إحنا دولة عظيمة.. ذات جيش مهيب..

ومؤسسات راسخة ومستقرة.. ورئيس صادق.. وكل دول بيعملوا سويا.. وإحنا الشعب بنعمل معاهم.. علشان كلنا نعيش “حياة كريمة” …..