كتبت الاعلامية/ايمان خليفة

دار حوار شيق بين الإعلامية ايمان خليفة والفنان محمد عبد العظيم الشهير ( عظيمه ) كلنا عارفين ان محمد أخو الفنان حجاج عبد العظيم ولم نعلم من هو محمد عبد العظيم

هو من مواليد اسكندرية العجمي شهر أكتوبر نشأ وتربى في جو أسري مكون من أب وأم و خمسة أولاد وأربعة من البنات في جو هادي يسكنه المودة والرحمة. كما حاصل محمد على دبلوم صناعي قسم كهرباء وعمل في العديد من الوظائف

وحاليا مدير إدارة شركة اسكندرية للبترول. رب أسرة مكونه من زوجة وأربعة أبناء. فكره التمثيل دي من وانا في الاعدادي وبعدين لما اخويا حجاج دخل الفن بقيت مهتم بكل حاجه بيعملها لاني بحب التمثيل ولكن مردتش ابوح بالسر اني عايز أمثل خفت لا يقولو اني عايز اقلدو

وكده لحد ما أخدت رأي زوجتي وأكتر واحده شجعتني قالتلي اعمل الحاجه اللي بتحبها. اول عمل ليا مسرحيه اسمها 13 حارة الجدعان إخراج محمد تيتو ونالت إعجاب الجماهير ومخرجين إسكندرية وبقيت الورقة الرابحه لهم كله طالبني اشتغل معاه في عدة مسرحيات منهم

( ليه يا اسكندريه للمخرج مجدي توفيق _ وفي المشمش مع الفنان فتحي سعد _ وبعدها البيت بيت ابونا مع الفنان رضا حامد _ ومسرحيات كتير الوشم والرصاصه جايه منين وكله) ماشي وحلم بسيط بعدها خضت تجربه الاخراج عملت كعب غزال وعودة ريا وسكينه ومدرس تريند.

اكتر عمل محب لقلبي مسرحية الوشم لانها بالهجه الصعيدية وانا بحب اللهجه الصعيدية جدا والمسرحية دراما حلوة راي الفنان حجاج عبد العظيم اول عمل بعته له على الواتس ضحك واتبسط بعدها عملت دور في مسلسل ولاد إمبابة مع سعد الصغير ومصطفى ابو سريع وبعتله برده على الواتس وقالي ايه ده جميل

برافو وطبعا كانت مفاجأة ليه اني اشتغل ميديا ومسلسل بيتذاع في رمضان والله الاعمال في رمضان لسه ربنا مأردش ولكن في كلام علي كذا عمل بس لسه لم يتم التنفيذ مثلي الاعلي في الممثلين الجداد محمد ثروت والقديم الله يرحمه محمد شرف والله الممثل بيعمل اي دور سواء مسرح او ميديا

ولكن انا بحب المسرح اكتر لاني ببقي مباشر مع الجمهور. بالنسبه للتكريم لسه ماحصلتش على تكريم لاني لسه معملتش حاجه اتكرم عليها من وجهة نظري. بالنسبه لادوار البلطجه بيجيلي ادوار كتير لان شكلي كراكتر بلطجي ولكن مش موافق علشان متحطش في القالب ده وأخسر أدوار كتير تانيه

وكمان بتبقي مرفوضة من المجتمع. من أحب الأعمال لقلبي إعلان VIP مع نجوم الكوره عماد متعب ومجدي قفشه وطارق حامد وخلوني أحلق شنبي وذقني وزعلت جدا

وكنت رافض بس اضطريت لذالك. وأخيرا وليس آخرا بشكر الفنان محمد عبد العظيم على الحوار الممتع وبتمنى من الله عز وجل التوفيق والنجاح في كل الأعمال القادمة أن شاء الله.