جريدة المجالس

عالمك الالكترونى لكل ما هو جديد معانا هتقدر تعرف كل الاخبار المحلية و الدولية من رياضية و سياسية و اقتصادية.

غير مصنف

صباحكم سكر يا ناس يا سكر بس خلي بالكم من السكر الزيادة

بقلم دكتور جمال شعبان

السكر من النوع التاني اللي بيصيب البالغين والكبار ودا مفيش نقص في الإنسولين المسئول عن حرق السكر

لكن توجد ممانعة من الخلايا لدخول السكر

فالإنسولين هو الباسوورد اللي يفتح الخلايا لدخول السكر من الدم لداخل الخلية كي تعيش وتعمل السكر هو بنزين الخلية

مع الوزن الزيادة وتراكم الخلايا الدهنية في البطن ( الكرش} التي بدورها تفرز مواد التهابية بتخلي الخلايا مهنجة وغير مستجيبة للباسورد الإنسولين

وكذلك مصاحبا للضغط المرتفع واختلال الدهون والتوترات فيما يعرف متلازمة الأيض

وبالتالي السكر بيزيد في الدم ويسحب معاه الماء وينزل في البول يزود البول ويعمل عطش وجفاف

اذن في النوع دا حقن الإنسولين مالهاش لازمة لانه موجود في الدم وبمكن يكون زيادة عن المطلوب لكنه بدون فاعلية علي السكر لكنه يساعد علي نمو الخلايا الدهنية ومزيد من السمنة ونمو خلايا بطانة الشرايين ومزيد من تصلب الشرايين

ايضا الأقراص اللي بتنشط البنكرياس مصنع الأنسولين في الجسم مالهاش لازمة بل ممكن تجهد البنكرياس اكتر كما تضرب الحصان المرهق ليسرع أكثر فيتباطأ اكتر اذن ما هو الحل

تخفيض وزن الجسم الزايد حتي بنسبة ٧٪؜ يخفض ممانعة الخلايا ويزيد من حساسيتها بنسبة ٥٧٪؜

ايضا الدواء القديم الرخيص المعروف في مصر باسم سيدوفاچ او جلوكوفاچ يزيد استجابة الخلايا للانسولين بنسبة حوالي ٣٠٪؜

اذن انقاص الوزن

الإقلال من الدقيق وخاصة الابيض والسكر الصناعي و الرز والمكرونة والبطاطس والبطاطا

من الممكن ان تحمينا من هدا المرض الخطير

السكر مرض قابل للشفاء #ما_تزعلوش