كتب / كريم الرفاعي

حرص أشرف كابونجا رئيس أول اتحاد لمصارعة المحترفين في مصر والوطن العربي والشرق الأوسط على الحضور إلى مطعم كشري أبو طارق لتناول وجبته المفضلة هو وأعضاء فريقه.

وقال “كابونجا” أن فريقه يضم أكتر من 50 لاعب ولاعبة وأنه كون الفريق منذ حوالي سبع سنين، أدوا 24 عرضاً في مختلف المحافظات، ولديهم عروض متعددة في دول عربية مختلفة، ومنهم عرض نهاية الإسبوع القادم في الأردن.

وعن فكرة تكوين فريق مصارعة حرة قال كابونجا: “أنا أساساً مدرب كورة ولما دخلت الجيش خدت أول قوات مسلحة في الجودو، وبعد ما طلعت من الجيش كان عندي طاقة ايجابية كبيرة، فلما كنت بتفرج على المصارعة حسيت إنها بالنسبالي سهلة جداً ، وجاتلي الفكرة من الوقت ده بالضبط، من بعد الجيش”.

وعن الحركات التي يقوم بها لاعبي الفريق أكيد كابتن أشرف كابونجا أنها تدرس بعناية ودقة فائقة، ويتم التدريب عليها لعدة مرات وذلك لعدم الوقوع في أي أخطاء تضر بسلامة اللاعب.

واختتم ” كابونجا” أوضح أن محافظة الاسماعيلية هي المقر الأساسي حالياً، وعن سبب تواجده بمطعم كشري أبو طارق، قال أنه جاء إلى القاهرة مع بعض أعضاء الفريق بهدف تكريمهم، لكنه لا يمكن أن يزور القاهرة دون المرور على كشري أبو طارق وتناول وجبته المفضلة، قائلاً: “كشري أبو طارق كان واحشني جداً فقررت أعزم الفريق النهاردة هنا، كان عندهم تكريم عشان كده نزلنا القاهرة النهاردة، وأنا أساسي لما أنزل القاهرة لازم أجي عند أبوطارق، مقدرش مجيش وأكل طبق الكشري بتاعي وبكرة كمان جاي القاهرة لإن عندي أول يوم تصوير لفيلم سينمائي اسمه الفندق الغامض في خلال الأيام الجاية ، وده مكاني المفضل والوحيد لإني أصلا مبحبش أكل الشارع أبداً، وده المكان الأمين الوحيد اللي باكل فيه”.