العرب زمان قبل ميلاد النبي مُحمد صلى الله عليه وسلم
كان عندهم عاده غريبه،
وهي إن لما الخيول عددها يزيد وتكتر عليهم…. مكانوش يعرفوا يفرقوا بين الحُصان الهجين… وبين الحُصان العربي الأصيل،
وللاسف ..علشان يعرفوهم من بعض ..كانوا بيجمعوا الخيول كلها في مكان واسع …ويجوعوهم ويعطشوهم…، ومش بس كده.. لاء ! دول كانوا كمان بيجيبوا عُصيان ويضربوهم ضرب عنيف …وبعدها يحطوا قدامهم أكل وميه .. يقوم الحصنه ينقسموا لجزئين ….جزء يجري علي الاكل والشُرب بسرعه
والجزء التاني يرفض يدوق طعم الزاد والميه لما يتقدملهم من نفس الإيد اللي إتمدت عليهم….. لأن كرامتهم متقبلش الإهانه ولا المذله .. ..
ساعتها العرب يفصلوهم عن باقي الحصنه… ويتأكدوا إنهم خيول عربيه أصيله ..
خليك أصيل ..
– الصاحب اللي يفضح سرك مترجعش لصحوبيته تاني..
الناس ال بتعرفك عشان عملاك مصلحه ابعد عنهم والله ما يستهلوا انك تعرفهم
خليك عزيز النفس
الصحبه ال بتصاحبك وعمله حبيبتك عمرها ماكانت بتحبك اصلا بناقص منها
المكان ال مش عجبك متروحش فيه
الناس المزعجه ابعد عنهم
– اللي يهينك ويقل منك وميقدركش متكملش معاه ابعد عنو .خلي عندك كرامه .
– المُدير اللي يقل منك ويبيع ويشتري فيك إرتقي بنفسك وسيب الشغل …وربنا هيرزقك باللي يقدر إنسانيتك ..
– قول لأ …لكل كلمه تجرحك…. ولكل تصرف يضايقك… و لكل شخص بيستفزك ولكل أسلوب بيثير غضبك وجنونك ..قول لا لاى شخص مش اصيل وناكر للجميل،، وعوضك على الله…،،،،،الحمدلله على كل شيء.
ارتقوا فالقاع مزدحم…..