النائب محمد السلاب عبر حسابه علي فيس بوك النهارده يوم مهم

متابعة /نهى عبد الخالق-

قال النائب محمد السلاب عبر حسابه علي فيس بوك النهارده يوم مهم ،، مهم لأنه يخص أعز الناس ،،

النهارده عيد ميلاد والدتي ،، الست اللي عايش بدعاها ورضاها واللي بكلمة منها بحس إن الدنيا بخير وأني في أمان طول ما أنا سامع صوتها ،

في الحقيقة أنا قولتها قبل كده كذا مرة ، كل واحد شايف والدته أعظم أم بس أمي غير …. أمي كانت ولازالت كل يوم بتعلمني دروس في الحياة ، وكل يوم بتأكدلي إنها “رمانة الميزان” اللي عاشت عشان عيلتها ، جوزها وأولادها وأحفادها …..

مسؤوليتها ، تضحياتها ، قوتها ، شدتها وحنانها ، فهمها العميق لدورها كزوجة وكأم ، ذكائها ورقتها ، وحتى لحظات عصبيتها علينا لما نقصر في مذاكرة ولا حاجة زمان 🙂 أم زي ما بيقول الكتاب ، وأنا لو أطول أكتب عنك هكتب مجلدات ،

لأنك كنتي ولازلتي وستظلي دائما “أعظم قصة حب في حياتي” ♥️

ربنا يخليكي لينا ويخليكي لأحفادك اللي بشوف نظرتك ليهم وحنانك عليهم وحضنك اللي بيضمهم …. ويضمنا ♥️ كل سنة وأنتي بخير يا رب

عن خالد

شاهد أيضاً

( رئيس إتحاد الميني فوتبول أحمد سمير يشهد إفتتاح دوري الميني فوتبول الموسم الثاني بين سيوة وإتحاد بسيون)

متابعة الاعلامية/د.نورا الشناوى أطلق رئيس الإتحادين المصري والعربي للميني فوتبول أحمد سمير سليمان اليوم الخميس …