جريدة المجالس

عالمك الالكترونى لكل ما هو جديد معانا هتقدر تعرف كل الاخبار المحلية و الدولية من رياضية و سياسية و اقتصادية.

أخبار المحافظات

احتفاليه يوم المراه المعيله بقياده نجلاء احمد القصة السادسة

كتبت/نهى عبد الخالق

بطلة_قصة_ابنائها مدام / أمانى حسن ( محافظة القاهرة) بتحكى حكايتها ? سلام عليكم ورحمه الله وبركاته انا والدة محمود مصطفي الابن الأكبر عنده دلوقتي ١٧ سنة وهو في مدرسة طه حسين المكفوفين ومؤمن مصطفي الابن الأوسط عنده ١٥ سنة وهو في مدرسة الرعاية المتكاملة لذوي الاحتياجات لانه من متلازمة داون ..

وتبدأ الحكايه وانا عندى ١٥ سنة سنة والدى ووالدتي انفصلوا وتحملت مسؤلية البيت وكنت بدرس واعمل شغل البيت كان احساس صعب اوي والحمد لله وصلت لمرحلة الجامعة وكنت بشتغل وبعدين تزوجت زواج وحملت في طفلي الاول وكنت طائرة من الفرحة وقولت خلاص الدنيا ضحكتلي وهابقي ام لكن حدث تسمم حمل في الشهر الثامن وتمت الولادة ودخل ابني الحضانة ليكتمل نموه ولم أراه وجهه الا عندما توفاه الله..

واسودت الدنيا في وجهي .. الي أن عوضني الله وحملت مرة أخرى ودعوت الله كثيرا أن يتم حملي على خير وبالفعل تم الحمل علي خير وتمت الولادة وجاء مولودى الي الدنيا وفرحت جدا جدا بمولودى ولكن للاسف لم تدم هذه الفرحة طويلا لاني ابني تعب ودخل الحضانة لمدة ١٥ يوم كان بين الحياة والموت وكنت كل يوم بموت الف مرة الي أن خرج من المستشفي واكتشفت أنه من ذوى الاعاقة البصرية وابتدينا المشوار من جلسات علاج طبيعي وجلسات

تأهيل ورعاية ذاتية وحملت للمرة التانية بعد سنتين وتمت الولادة واكتشفت أن مولودى الثاني من متلازمة داون دخلت في حالة اكتئاب شديدة جدا وكنت بسال نفسي هعمل ايه هاتصرف ازاى صعب جدا أن يبقي عند اي حد اعاقتين مختلفتين كل واحد له اسلوب معين في التربية الحمدلله استعنت بالله ودعوته كثيرا أن يعيني علي تربيتهم والحمد لله انا بحمد ربنا علي احلي واجمل هديتين محمود ومؤمن بعد ٧ سنوات ربنا كرمني بسيف ربنا عوضني بيه عشان يكون عون وسند لإخوانه وانا لسه مكمله معاهم وبدعي

ربنا يدينا الصحة ويعيني عليهم وعلي خدمة امي وابي لأنهم أصبحوا من كبار السن حابة أضيف ان الحمدلله محمود و مؤمن في فريق ذوى الاحتياجات الخاصة في نادي النصر الرياضي مؤمن بيمارس رياضة السباحة وألعاب القوى وحصل علي ميداليات وفي التايكندو حصل على الحزام الاصفر ومؤمن مشترك أيضا في مهرجان الابداع الفني ومحمود الحمدلله بيمارس العاب قوى فقط دلوقتي عشان

هو مشغول لانه في منحة في الجامعة الامريكية لأن الحمدلله محمود رغم ظروفه الخاصة لانه كمان مقدرش يكتب ويقرا بطريقة برايل لأن عنده مشكلة صحية في حاسة اللمس فأصبح يدرس المناهج عن طريق السمع وطبعا كنت معاه في مراحل الدراسة المختلفة خطوه بخطوه والحمدلله أصبح من المتفوقين وفي المرحلة الإعدادية كان ترتيبه الثاني علي المدرسة والخامس علي المحافظه

وتم تكريمه من الإدارة وانا فخورة جدا بابني بشهادة مدرسيه الحمدلله كل المدرسين بيشكروا في ابني وأخلاقه وبيشجعوه أنه يفضل مجتهد لانه رغم أنه زعلان أنه مش بيعرف يقرأ ويكتب الا انه بيحاول أنه يوصل هو دلوقتي في تانية ثانوى وأمنية حياته أنه يدخل كلية الألسن قسم انجليزي وانا يشجعه طول مااحنا قاعدين نذاكر أقوله شوفت انت الحمدلله رغم ظروفك بتطلع من الاوائل ربنا يوفقك يابني ويحقق لك كل اللي بتتمناه يارب انت وأخواتك الحمدلله الحمدلله الحمدلله مش طالبه غير دعواتكم الجميلة ليهم وليا ♥️♥️♥️ انتهت القصة. Amany Hassn ………… وعلشان مدام / أمانى #ست_ب١

٠٠ست تم اختيار قصتك وحابين أننا نتشرف بتكريمك من ضمن ٣٠ أم معيلة بطلات فى حياة أبناؤهم فى احتفالية السنة السادسة #يوم_المرأة_المعيلة #الحدث_الاول_فى_الوطن_العربى الراعى الاعلامى للحدث Golden XYZ MEDIA

%d