جريدة المجالس

عالمك الالكترونى لكل ما هو جديد معانا هتقدر تعرف كل الاخبار المحلية و الدولية من رياضية و سياسية و اقتصادية.







غير مصنف

أغيثوووووووونا //بقلم صفيه نصار//

بقلم صفيه نصار

أمين عام مساعد ثقافة بدر

حزب مصر القومي

وشاعرة الجنوب

محافظة الأقصر مركز اسنا

قريه زرنيخ أغيثوا قريتي

اناشد كل مسؤول وكل راعي من بعد التحية

الي وزيرة الصحه حكومتنا الموقرة

قريه زرنيخ وكل القرى التابعه لمركز اسنا محافظه الأقصر كورونا تحصد أرواح مواطنيها جنازات جماعيه موت وخراب

في ظل غياب المسؤولين في المحافظة وخاصة مركز اسنا والقرى التي لاحول ولاقوه لها وعدم الإهتمام سقطت قريه زرنيخ وأصبحت قريه موبوءة رجالها ونسائها وشيوخها تحصد ارواحهم وسط السكوت والاهمال الرهيب

انا هتكلم عن محيط اسرتي إمبارح اقربها ماتت خالتي وهيه امي بعد وفاة امي وقبلها بساعتين ماتت مرات خالي وهيه خالتي

بنت عم أمي

وقبلها بااسبوع مات شاب جوز بنت خالتي كله بسبب المرض اللعين وابن عم لي ومراته اتصابوا والحمد لله اتعافوا صرفوا اكتر من 15 الف دول عايشين بالقاهرة ظرفهم احسن

يعني الفقير بيموت جوع ومرض ومفيش علاج ولامصادر دخل حتي اللي كانوا بيصرفوا تكافل وكرامه اتشال منهم ليه ؟؟؟؟معرفش غلاء ميه وكهرباء وانبوبة بوتحاز 80 ج وكل بيت يلزمه 2 في الشهر حتي النور غالي وبيركبوا العداد بالكرت تقدم حضاري في عشش انا نزلت صوره للقريه حد عاقل يقولي عداد اكتروني إيه في البيوت دي الموبوءة مرض وجهل وفقر ويجي وصل ب 400 ج الدفع يااما يقطع النور علي مريض مش قادر ياخد نفسه كترت عليهم المروحه في نار جهنم يشرب بق ميه ساقع او الأنسولين يبوظ والله اعرف ناس قعدو في الضلمة 3 أيام مش عارفين يجيبوا كارت إمبارح بس العقرب لدغة خالنا لولا كرم ربي وله عمر تقطعوا النور والعقارب تسرح ياوزير الكهرباء ياللي بتغلوا عليهم الكهرباء ومحدش معاه فلوس ياكل الرحمه اتقوا الله عشان ربنا يرفع البلاء

أغيثوا قريتي

ونلحق ماتبقي من الأرواح

بقلمي وحزني والمي وانا

قلبي بينزف دم علي أهل بلدي الرجاء

النظر بعين الرحمة وتسليط الضوء

من إعلامي يراعي ربنا في الغلابة

مقدمة لسيادتكم صفية نصار

ولكم الشكر والتقدير

%d مدونون معجبون بهذه: