جريدة المجالس

عالمك الالكترونى لكل ما هو جديد معانا هتقدر تعرف كل الاخبار المحلية و الدولية من رياضية و سياسية و اقتصادية.

غير مصنف

السوشيال ميديا منجم ذهب مش موجود علي أرض الواقع”

 حوار ومتابعة الاعلامية /وفاء عطية العشرى

بهذه الكلمات بدأ “محمود أسامه” صاحب الـ ٢٣ عاماً . فهو من مواليد محافظة الدقهلية مركز ومدينة ميت غمر حاصل علي بكالوريوس نظم ومعلومات جامعة طيبة

١-بدأت ازاي علي السوشيال ميديا؟

بدايتي كانت من عام ٢٠١٤ لما بدأت أفكر في طريقة للربح من خلال الإنترنت، وبالفعل اخدت فكرة عن جميع المجالات المتاحة وقتها علي السوشيال ميديا وبعد كده عملت صفحات ترفيهية علي “الفيسبوك”

وبعد سنة اتعرض عليا بيع الصفحة وفعلا بيعتها، ومن هنا بدأت انشئ صفحات وأكبرها وأبيعها، وفي ٢٠١٥ عملت قناة يوتيوب تعليمية عشان أقدم فيها فيديوهات تعليمية عن البرمجة وتصميم المواقع بشكل مجاني، وفي ٢٠١٧

اتجهت لمجال الماركتينج وتعلمت اساسياته وبدأت أطور من نفسي من خلال كورسات “أون لاين” وفي أواخر ٢٠١٩ تشاركت مع صديقي “محمد السيد” وافتتحنا مكتب تسويق في زهراء مدينة نصر اسمه “سوقلي”

٢- هل اشتغلت شغل تاني غير الماركتينج؟

لا كنت بفضل التركيز في المجال اللي بدأت بيه وحبيته

٣- جاتلك الفكرة ازاي وشوفت نفسك في المجال دا ازاي؟

الفكرة جاتلي بأكتر من طريقة:

أولا: اولاً كنت شايف أن المستقبل لعالم التكنولوچيا والتواصل الإفتراضي، ثانياً انا بكالوريوس نظم ومعلومات السببين دول كانوا أكتر سبيين بيحفزوني أكمل وأحب المجال ده،

وبعد شغل كتير ودراسة وكورسات حسيت إني ممكن أخلق أفكار جديدة وبسيطة في مجال التسويق بشكل عام.

٤-مين أكتر حد كان بيشجعك ويقف جنبك؟

بصراحة في البداية كانوا مش مستوعبين الموضوع، كان لسه جديد عليهم بس بعد كده كانت والدتي و والدي في ضهري وبيشجعوني ومن أصحابي كان صديقي جلال وصديقي عبد الحميد وطبعاً خطيبتي ندي على طول كانوا جمبي في أكتر الأوقات الصعبة والمُحبطة.

٥- إيه هي أكتر مشاكل كانت بتواجهك؟

الإمكانيات وسرعة النت في مصر عمتاً كان شئ سلبي جداً بالنسبة لمجال زي مجالي، ومشاكل تانية كتير بس بعد كل مشكلة كنت بقوم أقوي من الأول وبعيد حساباتي وأبدأ من جديد بشكل جديد في حاجات جديده مع تطوير الشغل القديم، ودايماً مؤمن بجملة وبقولها إن ربنا مش بيعمل فينا حاجة وحشه حتي لو من وجهة نظرنا انها أسوأ حاجة وإن الوحش دا بيكون خير لينا بنُدركه مع مرور الوقت ونحمد ربنا أن ده حصل عشان مكناش هنفهم ولا نوصل غير بالشكل اللي ربنا مرتبهولنا وأهم حاجة إننا نرضي.

٦- نفسك توصل لإيه؟

أنا طماع شويه في أحلامي وهيجي اليوم اللي هقول فيه “It wasn’t easy, but I did it” نفسي اشتغل مع برندات عالمية، وبتمني إني أصنع إسم كبير ضمن أشهر ماركتينج ف العالم.

٧- حابب تضيف حاجة؟

عاوز أقول إن لو الإنسان مش محدد هدفه من بداية الطريق ومش عارف هوا عاوز إيه فهو عمره ما هيوصل، النجاح صعب لكن يستاهل وعشان كده

لازم تكون مستعد بكل ما تملك عشان تحقق هدفك، وحابب إني أشكر جروب الحيتان، حقيقي من غيرهم مكنتش وصلت للي انا فيه حالياً ، شكراً ليكم ولدعمكم.