جريدة المجالس

عالمك الالكترونى لكل ما هو جديد معانا هتقدر تعرف كل الاخبار المحلية و الدولية من رياضية و سياسية و اقتصادية.

كورونا
غير مصنف

جارك عنده كورونا تتعامل معاه اذاى ؟

كورونا

جارك عنده كورونا تتعامل معاه اذاى ؟؟؟؟؟؟ ???
مقال هام جدا جدا جداااا ?????

لو حصل معاك الموقف ده وجارك اتعدى بالكورونا . اذاى تحافظ على نفسك وعلى اسرتك من العدوى ؟؟؟؟

اولا انت علشان تتعدى منه لازم اتصال مباشر مع جارك يعنى تقربوا من بعض مسافه متر وتقفوا تتكلموا لمده ١٥ دقيقه على الاقل .

ثانيا ارجوك ساعد جارك والدنيا دواره يعنى هوا بكره اللى هيساعدك . انا اقولك تساعده اذاى:

١ . هاتله طلبات الاكل وسيبهاله على باب الشقه متعلقه فى الاوكره واتصل بيه قوله طلبك ياغااااااالى علباب .

٢. لو طلب ديلفرى اطلب من بتاع الديلفرى ان يسيب الاوردر علباب بردو .

٣ . الفلوس تمن الطلبات الاحسن تلمو من بعض كجيران واصحاب واهل منطقه ليه وتدفعو ليه وتسجلو كل حاجه . لحد ما يخف ويردلكم الفلوس ديه . علشان طبعا تتجنبوا الاحتكاك المباشر .

٤. تنبهوا على جاركم المصاب بالكورونا ميطلعش البلكونه بكل آدب وهدوء طبعا علشان لو عطس او كح الهوا مينقلش العدوه للشباك اللى جمبه . ( مش لازم بالشتايم وذكر شرف الام والاب)

٥. المياه والغسيل مبتنقلش الكورونا فطبعا لو جارك المصاب بكورونا نشر غسيله ملهوش لازمه مراتك تطلع تزعق فى البلكونه . وطبعا اللى ينشر غسيل لازم يلبس الكمامه .

٦. ادى دعم نفسى بالسؤال والدعاء لجارك كل شويه حسسه انه مش لوحده لان فعلا هوا بيبقى خايف ومرعوب وممكن توصل انه ينتحر( زى ما حصل مع مريض العزل فى القاهره امبارح) من الخوف فمش ناقص تعامله بقله ادب .

٧ . اااافتكر انهارده هوا مصاب بكره الادوار هتتبدل وانت هتتصاب وهوا اللى هيخدمك . عامله زى ما تحب هوا يعاملك .

٨. تجنب الطلوع معاه فى الاسانسير وقوله بذوق وطيبه واحترام اتفضل حضرتك انت اولى بالطلوع وبهدوء رش كحول فى الاسانسير بعد ما يخرج منه . ده لو هوا اضطر ينزل بنفسه يروح المستشفى مثلا .

ارجوك شير المقال على اقصى ما تتستطيع لكى نغير سلوك بعض وتبقى قعدتنا على النت ايجابيه . ومنهم لله اللى وصلونا لمستوى الجهل ده .