كتب /الشاعر..سعيد الخولى

مكتب الأسكندرية

قوم _ ابني _نفسك

نفض خيوط العنكبوت من جوه عقلك

اقتل الخوف اللي راكبك

كسر بأيدك شماعاتك

ماتسبش حاجه عشان تعلق يوم عليها مبرراتك

اقطع الخيط اللي رابطك بالفشل

ماتسبش نفسك للكسل جواك

حاجات مميزة بس انت جرب تفتح شبابيك الامل

فتش في كراكيب الزمن

هتلاقي عندك موهبة مدفونة

وسط الذكريات طلعها للنور مره ثانيه

جايز تعوض اللي فات

دور جواك علي فكره ممكن يتغير بيك بكره

ويعيش اسمك وسط الحكايات

خربش بصوابعك علي صخره

ممكن تنحتلك تمثال

شخبط علي ورقة ف كراسه

ممكن تكتبلك موال العب بشوية الوان

جايز كنت فيوم رسام ماتسلمش

فيوم لمخاوفك جرب مره تحكم عقلك

وهتلقي نفسك كسبان