جريدة المجالس

عالمك الالكترونى لكل ما هو جديد معانا هتقدر تعرف كل الاخبار المحلية و الدولية من رياضية و سياسية و اقتصادية.

أخبار المحافظات سياسه

قال الدكتور صلاح حسب الله وافقت على الاتفاقية لثقتى فى الاجهزة الوطنية لأنها لا تقبل ان تفرط فى حبة رمل من مصرنا الحبيبة

كتب / منه الله مكاوي

قام الدكتور صلاح حسب الله رئيس حزب الحرية ، عضو مجلس النواب ، بشرح واف موثق في موضوع اتفاقية تعيين الحدود البحرية بين مصر والمملكة العربية السعودية ” تيران وصنافير”، مؤكداً أنه وافق علي الاتفاقية من منطلق قناعته بأن هذه الاتفاقية قبل ما تمر على مجلس النواب مرت على جميع الأجهزة الوطنية بمصر، مؤكداً أنه يثق في الجيش المصري العظيم وقال حسب الله أن الجيش المصري لن يقبل أن يفرط في حبة رمل مصرية وأنه يثق تماماً في الأجهزة الوطنية التي راجعت هذه الاتفاقية مثل اجهزة المخابرات العامة والمخابرات الحربية والتي يشهد تاريخها على حماية الأمن القومي وحماية تراب الدولة المصرية وأضاف حسب الله بأنه يثق تماماً في الرئيس عبد الفتاح السيسى اللي انحاز هو والجيش المصري في 30/6 ووضع رقبته على يده لعودة هيبة الدولة.

وأكد حسب الله، أنه يثق تماما في الوعي الشعبي المصري رجال وسيدات ، وكذا جموع الشعب المصري يثق نفس الثقة في المؤسسات الوطنية وفى الجيش المصري والرئيس المصري ووجه حسب الله سؤالا للحاضرين بالحفل وقال بعضكم له أخوات وله أبناء في الجيش المصري ” اسألوهم بيعلموهم إيه في الجيش ” ” وان الجندي اللي داخل سنه ولا اثنين وماشى بيعلموهم أن رقبته ثمن رخيص لحباية رمل” واشار حسب الله ، أن هذه الاتفاقية حينما تم التوافق عليها والموافقة عليها ، وفقاً للقانون الدولي للبحار ووفقاً لاتفاقية جنيف للأمم المتحدة للدول المشتركة في الحدود البحرية ، ومشترك فيها 174 دولة.

وأضاف أنه من عام 1990 صدر قرار بقانون رقم 27 بتحديد الدولة المصرية لنقاط الأساس التى تحدد حدودنا البحرية مع الدول المجاورة والتى تضم الدول الـ 8 المرتبطة بالحدود البحرية مع مصر والبحر الأحمر والبحر المتوسط حتى عام 2010 ، وفى هذه الفترة كان الطرف الثاني السعودية لم تضع خطوط الأساس الخاصة بها وردد حسب الله للحاضرين رسالة ” افهموا الكلام ده لأن في ناس بتحاول تضلل وفى ناس بتحاول تزيف الحقائق فافهموا الكلام ده واسمعوه ودوروا وراه علشان انتم اللي هتقدروا تنقلوا الحقيقة لناسنا وأهالينا ولأخواتنا في كل مكان في شبرا الخيمة ” وأكد حسب الله أن الدولة المصرية قامت بالضغط على المملكه العربيه السعودية علشان تحدد نقاط الأساس وتم الرد أنهم جاهزين ب 32 نقطة أساس من اجمالى 40 نقطة وطالبوا تأجيل ال8 نقط المتبقية ورفضت مصر وطالبوا الـ 40 نقطة مع بعض ووضح حسب الله ان الـ 40 مرتبطين مع بعض لان ال8 نقط أساس الأخيرة من خط عرض 22 فى الشمال الخاص بحلايب وشلاتين وتأتى السودان وتزعم ان حلايب وشلاتين تتبعها ولو انتهينا من تقسيم الحدود مع السعودية ب ال40 نقطة ليتم الوصول الى خط عرض 22 ولا تحمل اى نزاع فى المستقبل بمصرية حلايب وشلاتين ونطمئن للبعد الامنى الاستراتيجى لمصر فى الجنوب وفى افريقيا ، واوضح حسب الله ” ان نقاط السعودية اتحطت فى 2010 واتحطت فى الامم المتحدة وفى 2010 الدولة المصرية بعتت للامم المتحدة قالتلهم احنا موافقين على نقط الاساس اللى حطتها السعودية احنا مصريين حطينا نقط الاساس سنه 90 السعودية حطتها سنه 2010 الاتفاقية من 2010واشار حسب الله الى انه حتى الان تم انعقاد 11 اجتماع بين الطرفين بحضور ممثلين الأمم المتحدة وفقا للقانون الدولى للبحار بتعيين الحدود يعمل ايه بقه وهو بيعين الحدود ادى خطوط الاساس بتاعة السعودية وادى خطوط الاساس المصرية اللى ما بينهم دى مساحة بحرية على بعد 12 ميل يعمل ايه بيروح جاى كده شادد خط مستقيم عند 6 ميل فى اليمين بما فيها السعوديه 6 ميل فى الشمال بتاعه مصر تطلع وفقا لتعيين الحدود البحرية تيران وصنافير ارض تابعه للسعودية يطلع 3 جزر وانت رايح على خط عرض 22 كانت السعودية هى اللى ليها ادارة عليهم وفقا لهذا الخط المستقيم لمصر ، انما للاسف البعض حاول يركب الموجة ويلعب بمشاعر الناس ويضلل الناس ويقولهم كلام غير الحقيقة” .

وأكد حسب الله انه اقسم يوم 10يناير أن يحترم الدستور والقانون ويحافظ على النظام الجمهوري ويحافظ على هذه الارض ووحدتها وسلامتها مازلت أقول الحق وانحاز للحقيقة حتى لو كلفنى الكلام ده بفعل المضللين والمزيفين كرسي الانتخابات فى المستقبل محدش عارف بكرة فى ايه بكرة ممكن قبل ما تكمل انتخابات 2020 نقابل المولى عز وجل لنا ممكن الناس اللى حطه فى دماغها ان القصه قصه انتخابات فى 2020 فمين اللى عايش ل 2020 احنا بنسمع مع بعض كده ان شاب عنده 18 سنه ولا بيعانى من مرض ولا بيعانى من اى حاجة دخل يريح شويه سمعنا امه خارجه تصوت عليه ،ربنا لوحده سبحانه وتعالى هو اللى هيحاسب الناس وزى ما قلت يمكن ما نتقابلش 2020 فى انتخابات ثانى انما الأكيد ان الواحد ممكن يقابل ربه بكره أو بعد سنة او بعد 10 انا مش هقبل انى اقابل المولى عز وجل الا وانا ايدى نظيفة وكلمتى شريفة ومش هزيف اى كلمة اللى ثمنهإ انتخابات وكرسى برلمان ولا كرسى لنفسى واحترام الناس ليه ويكون ضميرى صادق أمام الله عز وجل