بقلم / محمود فهمي الحرازي
هاميس
الشعر فيكي يتكب باي لغه وبأي حروف
أكيد هيكون كلام غير المألوف
حضاره من كام سنه..؟؟ لا والله من ألوف
وبنسمع عنك ياعروسة البحر
وقال ايه ملكة الجمال والسحر
قال أخر عروسة نيل
لا ليها شبه ولا مثيل
الباقي منها حبة تماثيل
هاميس
الشعر فيكي من غير قافيه ولاوزن
الشعر فيكي فرح ولاحزن
عاوز ايه من بلد اصلها فرعوني
هي سبب عشقي وكل جنوني
انتي ياهاميس اساطير وحكايات
انتي غير كل قصص العشق غير كل الروايات
عاوز ايه من بلد اصلها فرعوني
هي سبب عشقي وكل جنوني
قتلوا عروسة النيل ورموها
وبعد نص الليل في الضلمه دفنوها
هما دفنوها ولا حرقوها ….؟؟؟؟
دفنوا الجمال وقتلوا الانسانيه
بلد بتدعي الذكاء وهي غبيه
رموها دفنوها انسيه جنيه
المهم انهم منعوها من الكلام
و وقعوا عليها معاهدة سلام
وقالوا عنها حلم و مجرد اسطوره
قالوا عنها جنيه مسحوره
بلد قتلت جمالها بايدها
بلد فكرانا عبيدها
لا عارفين مين خدامها ومين سيدها
قتلوها ومنعونا لجمالها تاني نشوف
هاميس
الشعر فيكي يتكب باي لغه وبأي حروف
أكيد هيكون كلام غير المألوف من كام سنه لا والله من ألوف
