بقلم / محمود فهمي الحرازي
انا زي طير وانت ياصعيد عشي حبك ساكن وريدي وباين علي وشي
انا الضلمه وانت نوري وشمسي عاشقك ليه …..معرفشي ….؟؟
يمكن عاش الاصاله اللي فيك
يمكن علشان متغرب بعيد منيك !!!
يمكن عشان انا منك وليك
انا البردان وحضنك هو غطاي وفرشي
انا زي طير وانت ياصعيد عشي حبك ساكن وريدي وباين علي وشي
انا الضلمه وانت نوري وشمسي عاشقك ليه معرفشي
يمكن علشان جذوري وأساسي
يمكن علشان العمه اللي علي راسي
يمكن علشان الصحبه اللي في بعدك ملقتهاشي
يمكن علشان فاكرك ومش ناسي
يمكن علشان عيشك وملحك اللي في غيرك متمرشي
انا طير وانت ياصعيد عشي حبك ساكن وريدي وباين علي وشي
انا الضلمه وانت نوري وشمسي عاشقك ليه معرفشي
