كتب / محمود فهمي الحرازي
زمان كان عندينا في البلد شجرة جميز صحيح الجميز
دلوقتي مافيش منه عزيز
لكن كانت شجره ليها هيبه
كانت شجره ضخمه وعجيبه
أتولدنا وهي اتزرعت قبلينا
تحت ضلها كانت غناوينا وحكاوينا
وفي مره سافرت واتغربت
وبعد سنين الغربه رجعت
مالقيتش شجرة الجميز قطعوها
وقالوا دي بقت زي العواجيز
طب هو في احسن من العواجيز….؟؟؟
طب هو في اطيب من قلوبهم …؟؟؟
دول لابسين الحكمه وكأنها توبهم
طب هو في اطيب من قلوبهم…..؟؟
قطعتوها علشان عجزت وشاخت …؟؟؟
ولا علشان الدنيا مسخت وباخت …..؟؟؟
ولا علشان لازم تروح زي الناس الزينه ماراحت ….؟؟؟
قطعتوها وخلوا مكانها فاضي
طب مين يملي المكان
طب مين يضلل علينا
ويحمينا من غدر الزمان
مين يعوضنا عن الحرمان
قطعوها وقالوا دي بقت زي العواجيز
طب هو في احسن من العواجيز…؟؟؟
طب هو في اطيب من قلوبهم …؟؟؟
دول لابسين الحكمه وكأنها توبهم
طب هو في اطيب من قلوبهم
قطعتوها علشان عجزت وشاخت …؟؟؟
ولا علشان الدنيا مسخت وباخت …..؟؟؟
ولا علشان لازم تروح زي الناس الزينه ماراحت ….؟؟؟
راحت شجرة الجميز زي مارحلوا كمان العواجيز
واختلط الحابل بالنابل دنيا وملهاش عزيز
زمان كان عندينا في البلد شجرة جميز
صحيح الجميز دلوقتي مافيش منه عزيز